Janë luajtur ndeshjet e javës së 10-të të Superligës në volejboll për femra. Pogradeci e Dinamo vijojnë të komandojnë renditjen me nga 27 pikë secila. Pogradecaret fituan me lehtësi 3-0 (25-18, 25-17, 25-11) jashtë fushe ndaj Korabit.
Pa probleme fiton edhe Dinamo, që në kryeqytet mundi po 3-0 Vllazninë (25-12, 25-18, 25-16). Ndonëse pritej më shumë nga skuadra shkodrane, e përforcuar së fundi edhe me dy lojtarë të huaja, në fushë komanduan kryqytetaset, që merituan fitoren.
Fiton edhe Teuta, që në fushën e saj mundi 3-1 Partizanin (25-16, 19-25, 29-27, 25-21). Një ndeshje me rivalitet shumicën e kohës, ku të dyja ekipet dueluan për fitoren dhe janë ende në garë për një vend në fazën play off.
Në Korcë, skuadra e Tiranës fitoi 3-1 ndaj Skënderbeut (27-25, 25-20, 17-25, 25-12), duke konsoliduar vendin e tretë në renditje. Një ndeshje ku skuadrat dueluan fort në tri setet e para, por më tej bardheblutë dominuan në fushë dhe merituan fitoren.
Superliga-Femra, java e 10-të
Teuta – Partizani, 3-1
Korabi – Pogradeci, 0-3
Dinamo – Vllaznia, 3-0
Skënderbeu – Tirana, 1-3
Renditja: Dinamo 27 pikë, Pogradeci 27 pikë, Tirana 24 pikë, Skënderbeu 17 pikë, Partizani 10 pikë, Vllaznia 8 pikë, Teuta 7 pikë, Korabi 0 pikë.
