Aventura e Ardian Nuhiut si trajner i Tiranës ka marrë fund shumë më shpejt nga sa pritej. Humbja e djeshme ndaj Teutës ka vulosur njëherë e mirë fatin e trajnerit nga Maqedonia e Veriut.

“Klubi i Futbollit Tirana njofton se bashkëpunimi me trajnerin Ardian Nuhiu është ndërprerë në mënyrë konsensuale. KF Tirana shpreh falënderimet më të sinqerta për trajnerin Ardian Nuhiu për kontributin, profesionalizmin dhe përkushtimin e treguar gjatë drejtimit të skuadrës sonë.

Gjatë bashkëpunimit, ai ka dhënë maksimumin për ngjyrat bardheblu, duke punuar me pasion, korrektësi dhe respekt për klubin dhe tifozët tanë. I urojmë suksese në karrierën e tij profesionale”, thuhet në njoftimin për shtyp të klubit bardheblu.

Ndërkohë, burime të pakonfirmuara bëjnë me dije se trajneri i ri i Tiranës do të jetë një njohje e vjetër si Orges Shehi, me të cilin bardheblutë fituan titullin e fundit kampion në vitin 2022.

Mesa duket, klubi bardheblu dhe Nuhiu kanë rënë dakord bashkërisht për të ndarë rrugët, të paktën kështu thueht në njoftimin për shtyp.