Aljamain Sterling (23 fitore, 3 humbje) ka mbrojtur sot titullin kampion bote në peshën “bantamweight” (pesha deri 62kg), pas fitores me vendim shumice ndaj Henry Cejudo. Dueli mes dy kampionëve të botës së këtij Divizioni u zhvillua në në Nju Xhersi dhe ishte mjaft i fortë dhe emocionues deri në fund.
Dy nga gjyqtarët i dhanë fitoren Sterling (48-47, 48-47), ndërsa njëri i dha fitoren Cejudo (48-47), duke bërë që humbësi të mbesë i pakënaqur nga vendimi. Cejudo (16 fitore e 3 humbje) rikthehej në kafaz pas tri vitesh, teksa dikur ka qenë kampion i këtij Divizioni, kur vendosi të largohej.
Ai dueloi fort ndaj Sterling, por pa mundur t’ia rrëmbejë titullin. Kjo është fitorja e shtatë radhazi për Aljamain Sterling , që mbron për të tretën herë titullin. Gjithsesi, për të nuk ishte e lehtë, pasi të dy luftëtarët dhuruan një ndeshje të fortë, me grushte, kapje e shkelma, duke e lënë të hapur emrin e fituesit deri në fund.
#ANDSTILL BANTAMWEIGHT CHAMPION OF THE WORLD!!@FunkMasterMMA with the split decision over Henry Cejudo at #UFC288! pic.twitter.com/nUrECCcwtT
— UFC (@ufc) May 7, 2023
