Lamine Yamal dhe Kylian Mbappé dominojnë skenën botërore. Pavarësisht gati një dekade diferencë moshe dhe stileve të ndryshme, të dy janë protagonistë absolutë me klubet dhe kombëtaret e tyre, ndërsa vlera respektive në treg rritet ndjeshëm. Sipas renditjes së “Football Benchmark”, talenti i Barcelonës është futbollisti më i vlefshëm në botë, 286.8 milionë euro (rreth 338 milionë dollarë). Mosha? Vetëm 18 vjeç.
Paraqitjet aktuale ndikojnë në primatin e tij. Yamal mban fanellën me numrin 10 te Barcelona, është titullar i padiskutueshëm me Spanjën dhe u rendit i dyti për “Topin e Artë” 2025. Në vendin e dytë është Mbappé me 232.2 milionë euro (rreth 274 milionë dollarë). Mosha? 27 vjeç. Bashkimi me Real Madridin si lojtar i lirë e bëjnë pak të mundshëm një transferim të tij rekord së shpejti.
Podiumin e mbyll Erling Haaland i Manchester City me rreth 243 milionë dollarë. Pas tyre vijnë Jude Bellingham, Bukayo Saka, Florian Wirtz, Pedri, Michael Olise, Vinícius Júnior dhe Jamal Musiala. Bie në sy mungesa e lojtarëve të Serie A dhe e përfaqësuesve të PSG, kampion në fuqi i Europës. As fituesi i “Topit të Artë”, Ousmane Dembélé, nuk figuron në “top-10”.
Renditja e 10 lojtarëve më të kushtueshëm, sipas vlerës së tregut:
1. Lamine Yamal – 286.8 M€
2. Kylian Mbappé – 232.2 M€
3. Erling Haaland – 231.0 M€
4. Jude Bellingham – 199.0 M€
5. Bukayo Saka – 156.5 M€
6. Florian Wirtz – 154.5 M€
7. Pedri – 154.5 M€
8. Michael Olise – 149.0 M€
9. Vinícius Júnior – 149.0 M€
10. Jamal Musiala – 137.0 M€
