Rivaldo ka zbuluar një prapaskenë në lidhje me një nga golat më të famshëm të shënuar në historinë e Kupës së Botës.

Po flasim për golin e mrekullueshëm të shënuar nga  Ronaldinho kundër Anglisë në Kupën e Botës të 2002-shit që i  hapi rrugën Brazilit drejt finales.

“Pas ndeshjes e pyeta se si i kishte shkuar në mendje. Ai m’u përgjigj se e kishte studiuar Seman-in dhe e dinte se zakonisht bënte dy hapa përpara. Kështu që ka kërkuar ta befasojë… dhe e ka befasuar”, ka thënë Rivaldo.