Kompania franceze hekurudhore Sncf pësoi një “sulm masiv”, i cili paralizoi rrjetin e saj, duke ndërprerë rëndë qarkullimin vetëm disa orë përpara ceremonisë së hapjes së Lojërave Olimpike “Paris 2024”.
“Disa akte shoqëruese të zjarrvënieve” goditën 3 nga 4 linjat e TGV Atlantik, Veri dhe Lindor. Zjarret e qëllimshme u vunë për të dëmtuar sistemet e linjave të shpejtësisë së lartë, shpjegoi grupi hekurudhor në një njoftim për shtyp.
Si rezultat, trafiku i trenave me shpejtësi të lartë në këto tre linja është shumë i rëndë. Një burim i afërt me çështjen foli për akte sabotazhi, duke theksuar se aktet ishin qartësisht të bashkërenduara.
Ministri francez i Transportit, Patrice Vergriete, tha se “të gjithë elementët tregojnë se këto akte janë të paramenduara” dhe e quajti sabotimin e linjave të shpejtësisë së lartë “një veprim kriminal skandaloz”. Sipas SNCF, 800 mijë pasagjerë janë prekur.
