Humbja e Argjentinës ndaj Spanjës në finalen e Kupës së Botës 2026 shkaktoi përplasje të dhunshme mes tifozëve dhe policisë pranë Obeliskut në Buenos Aires. Të paktën 12 persona u arrestuan të dielën gjatë incidenteve që shpërthyen pasi policia nisi shpërndarjen e turmës së tifozëve, të mbledhur në qendër të qytetit për të mbështetur kombëtaren pas humbjes 1-0 ndaj Spanjës.
Përpjekja e forcave të rendit për të larguar turmën çoi në përleshje, me tifozë që hodhën shishe dhe sende të tjera drejt policisë, e cila reagoi me plumba gome dhe gaz lotsjellës. Ajo që pritej të ishte një mbrëmje solidariteti dhe mbështetjeje për “Albiceleste” u shndërrua në një betejë të vërtetë rruge.
Tubimi i tifozëve kishte nisur rreth orës 18:00 sipas orës lokale dhe arriti kulmin rreth orës 20:00, me rënien e natës dhe fillimin e reshjeve. Mes këngëve, brohoritjeve dhe lotëve për humbjen në finale, situata doli jashtë kontrollit pasi një grup personash nisi të sulmonte policinë me shishe dhe gurë.
La policía dispersó a aficionados de la selección de Argentina en Buenos Aires, luego de la derrota ante España; las autoridades reportaron al menos cuatro detenidos.
Video: AFP pic.twitter.com/JhRQ2vrXOq
— NMás (@nmas) July 20, 2026
Edhe në Brazil, atmosfera pas finales u shoqërua me episode dhune. Ngjarjet më të rënda u regjistruan në Rio de Janeiro dhe Búzios, ku ndërhyrja e policisë ushtarake u bë e domosdoshme, megjithëse autoritetet nuk kanë dhënë ende një deklaratë zyrtare.
Në lagjen e njohur bregdetare Copacabana, një grup personash rrethoi një motoçiklist, i cili reagoi ndaj sulmeve, ndërsa një taksi përplasi një prej pjesëmarrësve në trazira. Video të publikuara në rrjetet sociale tregojnë policinë duke shpërndarë turmën me përdorimin e shkopinjve të gomës.
Ndërkohë, në Búzios, tensioni kulmoi me një përleshje masive pranë sheshit Santos Dumont, ku ishte vendosur një ekran gjigant për transmetimin e finales. Trazirat shkaktuan panik dhe detyruan banorët e turistët të largoheshin me nxitim nga zona.
