Spanja kurorëzoi me sukses një fushatë të jashtëzakonshme në Kupën e Botës duke ngritur trofeun pasi pësoi vetëm një gol në tetë ndeshje. “La Roja” mposhti Argjentinën 1-0 në finale me golin e Ferran Torres në kohën shtesë.

Turneu i jashtëzakonshëm i  portierit Unai Simon i dha atij çmimin “Doreza e Artë”, pasi mbajti portën të paprekur në 7 ndeshje dhe luajti një rol kyç në një nga paraqitjet më të mira mbrojtëse në historinë e Kupës së Botës.

Portieri i Athletic Club këmbënguli se suksesi i përkiste të gjithë skuadrës. “Ende nuk po e besojmë atë që kemi arritur. Nuk ndjeva asnjë emocion kur gjyqtari fishkëllente fundin. Tshte më shumë si: e kemi arritur, e kemi arritur”, tha Simon.

“Kur të mbërrijmë në Spanjë do ta kuptojmë çmendurinë që kemi bërë sot. Në një kamp stërvitjeje kaq të gjatë, 50 ditë, është e rëndësishme të ruhet ndjenja dhe ekuilibri midis atyre që luajnë më shumë dhe atyre që luajnë më pak”, shtoi portieri spanjoll.

Më tej, Simon tha: “Trajneri është i jashtëzakonshëm. Ai i ka menaxhuar shumë mirë emocionet e të gjithë lojtarëve. Ne gjithmonë e kemi ruajtur identitetin tonë, në momentet e mira dhe të këqija, dhe kjo është thelbësore për të arritur në një finale dhe për të fituar titullin”.

“Kalimi i kohës do t’i japë vlerë asaj që kemi bërë. Argjentina do të luante shumë drejtpërdrejt për t’u lidhur me Leon. Kemi pasur frikë se mos bëjmë gabime në pjesën e parë. Në finale, zakonisht nuk ka liri, por që nga minuta e 70-të e tutje, ne e dominuam ndeshjen“, tha Simon.

“Nëse dorezat e mia gjatë Kupës së Botës do të mund të flisnin, do të thoshin se nuk u është dashur të punojnë aq shumë sa ato të portierëve të tjerë. Mos pësimi gol në shtatë ndeshjes është një shifër që do të kushtojë shumë për t’u kapërcyer dhe unë nuk ia atribuoj meritën vetes, por shokëve të mi të ekipit. Jam mirënjohës shokëve të mi të ekipit për nivelin mbrojtës”, tha portieri spanjoll.