Trajneri i ri i Napoli, Antonio Conte, pas javëve të para të fazës përgatitore ka nisur të konturojë ekipin me të cilin do të luajë në Serie A sezonin e ardhshëm. Disa përforcime kanë ardhur e disa të tjerë priten, ndërkohë që mësohet se trajneri i ka dhënë klubit një listë me lojtarët që duihet të largohen.

Sipas të përditshmes “Il Mattino”, në këtë listë janë 7 emra: Juan Jesus, Mario Rui, Natan, Jens Cajuste, Walid Cheddira (mund të shkojë te Bologna ose Tuluzë), Giovanni Simeone dhe Alessio Zerbi.

Duket s ekëta lojtarë nuk bëjnë pjesë në planet e trajnerit Conte. Surpriza është emri i sulmuesit Simeone, që do të largohet pasi pritet të mbërrijë Lukaku, duke humbur kështu hierariktë.

Në këtë listë nuk figuron emri i Victor Osimhen, që pritet të nënshkruajë me PSG apo me Chelsea dhe largimi i tij është i sigurtë. Disa prej lojtarëve do të largohen në formë huazimi e disa pritet të shiten, për të siguruar të ardhura të nevojshme për merkaton e verës.