Sulmuesi i Manchester Cityt, Phil Foden, ka përmendur mesfushorin e Real Madrid, Toni Kroos, si kundërshtarin më të vështirë me të cilin është përballur këtë sezon.

Dyshja u përball në çerekfinalen e Champions League.

Sulmuesi i Cityt u pyet se kush ka qenë skuadra dhe lojtari më i vështirë me të cilin është përballur:

“Real Madrid dhe Toni Kroos”.

Real Madridi mundi Manchester Cityn 4-3 me penallti pas një barazimi magjepsës me rezultatin e përgjithshëm 4-4. Kroos udhëhoqi Los Blancos gjatë dy ndeshjeve dhe ka qenë vendimtar për Carlo Ancelottin gjatë gjithë sezonit.

Kroos, 34 vjeç, ka luajtur 46 ndeshje në të gjitha kompeticionet, duke regjistruar një gol dhe 9 asiste.

Real Madridi do të përballet me Borussia Dortmundin në finale më 1 qershor, pasi tashmë ka fituar titullin e La Ligës dhe Superkupën e Spanjës.