Ekipi i Liverpool i ka bërë një start mjaft të mirë sezonit, duke qenë protagonist si në Premier League ashtu dhe në Champions League. Edhe pse skuadra nisi një epokë të re me trajnerin Arne Slot, rezultatet nuk kanë munguar, duke qenë një surprizë.

Trajneri holandez Arne Slot mendon se ka ende shumë punë përpara për të ndryshuar tërësisht filozofinë te skuadra e tij: “Nuk mund të kërkosh më shumë kur bëhet fjalë për rezultatet, por kur bëhet fjalë për atë që duam, ka gjithmonë vend për përmirësim”.

“Nuk mendoj se fitorja ndaj Chelsea apo barazimi ndaj Arsenal na bëjnë kampionë. Sigurisht që kemi bërë mirë në këtë periudhë, por ne nuk jemi ende aty ku unë dhe të gjithë ne dëshirojmë për sa i përket lojës tonë”, u shpreh Slot.

“Gjëja e mirë për ekipin dhe rezultatin tonë është kur përballemi me ekipit të mëdhenj në Premier, aty duhet të shohim një ekip që lufton për çdo centimetër, çdo meter, në çdo moment dhe kjo mund të jetë vendimtare te rezultati”, tha Slot.

“Në fakt, kjo është ajo që treguam në këto ndeshje dhe Champions. Shpresoj që në të ardhmen e afërt do të luajmë edhe më mirë, duke kërkuar të jemi edhe më dominues në fushë për ta patur edhe më të lehtë”, u shpreh Arne Slot.