Humbja 0-3 ndaj Atalanta ishte një goditje e rëndë për Napoli, që gjithsesi ruan vendin e parë në renditjen e Serie A. “Kjo ishte një ndeshje ku na mungonte energjia për të gjetur golin”, tha Matteo Politano, sulmuesi i Napoli.

“Gjithsesi, asgjë nuk ndryshon për ne, pasi jemi ende të parët në renditje. Tani kemi një tjetër sfidë të rëndësishme, atë ndaj Interit dhe duhet të reagojmë ashtu sikurse bëmë pas humbjes në javën e parë”, tha më tej Politano.

Duke iu rikthyer humbjes ndaj Atalanta, ai shtoi: “Na mungonte shkëndija përfundimtare për të gjetur golin sepse kishim 3-4 mundësi në të cilat mund të kishim bërë më mirë. Në Serie A nuk është asgjë e thjeshtë, por duhet të ringrihemi”.

“Sezoni është i gjatë dhe kemi mundësi për të bërë më mirë. Ne e dimë se duhet të reagojmë shpejt, pasi i kemi mundësitë. Do të punojmë kokulur këtë javë për të mësuar nga gabimet dhe rikthyer te suksesi”, tha Matteo Politano.