Një tifoz i Arsenal-it i ka kërkuar Jude Bellingham-it të transferohet te Topçinjtë.
Mesfushori anglez nuk ka luajtur në Premier League. Ai u transferua te Borussia Dortmund nga Birmingham City në verën e 2020-ës, më pas shkoi te Los Blancos verën e kaluar.
Ai pati një sezon të parë të shkëlqyer në Madrid, duke shënuar 23 gola në 42 ndeshje të luajtura në të gjitha kompeticionet, me ekipin e Carlo Ancelotti-t që fitoi Champions League dhe La Liga.
Megjithatë, Bellingham ka pasur vështirësi në këtë sezon duke shënuar vetëm një gol në 13 ndeshje.
Anglezi ka një kontratë me Los Blancos deri në 2029-ën, kështu që lëvizje larg Bernabeu-t duket e pamundur.
Pavarësisht nga kjo, mesfushori nuk ia ka mbyllur derën mundësisë për të luajtur tek Arsenal-i në të ardhmen.
“Unë tek Arsenal-i? Haha, ndoshta”, ka thënë Bellingham.
