Mark Goldbridge, personazh mediatik i njohur në Angli, beson se sulmuesi i Newcastle, Alexander Isak, është ‘teknikisht’ një lojtar më i mirë se Erling Haaland.
Goldbridge krahasoi Haaland dhe Isak duke dhënë preferencën e tij dhe duke theksuar ngjashmëritë e tyre me legjendat e Premier League, Alan Shearer dhe Thierry Henry.
Ai mendon se sulmuesi i Magpies ka diçka më shumë se norvegjezi:
“Është pak si Shearer kundër Henrit. Shearer është golashënuesi më i mirë në historinë e Premier League, Henry është një futbollist më i mirë. Haaland, sulmuesi më i mirë i zonës së rreptësisë, fitoi një tripletë, theu rekordin e Këpucës së Artë. Isak, teknikisht një futbollist më i mirë me më shumë shigjeta në harkun e tij”.
Goldbridge mendon se trajneri i Manchester Cityt, Pep Guardiola, nuk do ta zëvendësonte Haaland me Isak.
“Kë do të doja në ekipin tim? Isak. Për shkak se Erling Haaland më pëlqen shumë, nuk jam dakord me kritikat, ai është një sulmues që shërbehet dhe nëse nuk merr shërbim asgjë nuk ndodh. Isak di të hyjë në lojë në një mënyrë tjetër.”
Erling Haaland është kritikuar gjatë sezonit të tij të dytë në Premier me Manchester City. Disa, përfshirë ikonën e Manchester United, Roy Keane, kanë vënë në dyshim kontributin e tij kur nuk shënon gola.
