Enzo Maresca, trajneri i Chelseat, shpjegoi në konferencë për shtyp metodologjinë e tij të punës:

“Unë kaloj orë dhe orë duke kuptuar se si mund t’i ndihmoj lojtarët. Ne bëjmë seanca shtesë. Ne i rishikojmë ndeshjet. Kam 4-5 asistentë lart që kalojnë kohë duke identifikuar detajet, cilat pozicione, si ta kontrollojnë topin; me këmbën e djathtë/të majtë”.

Maresca foli edhe në lidhje me Enzo Fernandez:

“Enzo Fernandez është duke u përmirësuar shumë për sa i përket të kuptuarit të lojës dhe pozicionit. Tani ai po hyn në fushë. Kjo është ajo që na duhet nga lojtarët sulmues. Ai ka shumë gjëra që mund të bëjë më mirë, ashtu si i gjithë. Ai është në rrugën e duhur, absolutisht”.

Trajneri italian u ndal edhe te Noni Madueke:

“Në përgjithësi ai ka punuar mirë që kur kemi filluar… Por ndonjëherë ai bie pak. Ai nuk lejohet të bjerë në rendiment. Sa i përket numrave, ai po bën shkëlqyeshëm me gola dhe asiste. Por unë dua më shumë. Unë dua më të mirën, gjithmonë. Edhe në stërvitje”.