Ndonëse Lojërat Olimpike Dimërore “Milano-Cortina 2026” do të nisin zyrtarisht më 6 shkurt (deri më 22 shkurt), që sot do të zhvillohen garat e para. Sporti që do të çelë zyrtarisht garat është ai i kurling.

Edhe të enjten e të premten do të ketë gara në disiplina të ndryshme, ndërkohë që më 6 shkurt do të zhvillohet ceremonia e hapjes, ku do të jetë edhe Shqipëria. Vendi ynë do të përfaqësohet me 4 sportistë.

Ata janë: Lara Colturi, Samire Dauti, Lisa Brunga dhe Denis Xhepa, të gjithë në garat e skive alpine. Sportistë që kanë arritur të sigurojnë kualifikimin në Olimpiadë falë pikëzimit dhe paraqitjeve të tyre në garat e fundit.

Ndërkohë, organizatorët kanë bërë me dije se do të jenë 6000 persona në mbrojtje të këtij eventi: 1900 forca të ushtrisë, 2000 karabinierë dhe pjesa tjetër janë forcat e policisë së shtetit.