Ministrja franceze e Sportit dhe Lojërave Olimpike, Ame’lie Oude’a-Caste’ra, mëngjesin e sotëm është larë në Senën, cilësia e ujit të të cilit do të jetë thelbësore për zhvillimin e disa ngjarjeve të Lojërave Olimpike, të cilat do të fillojnë në më pak se dy javë.

Pas disa testeve me rezultate të dobëta për shkak të motit me shumë shi, autoritetet lokale njoftuan dje se uji në lumin që përshkon Parisin ka përmbushur standardet e kërkuara për notim në dhjetë ose njëmbëdhjetë ditë, në dymbëdhjetë të fundit që janë bërë kontrolle.

Garat olimpike të triathlonit dhe notit në ujë të hapur do të zhvillohen në Pont Alexandre III, në qendër të Parisit. E veshur me rroba të zeza dhe syze zhytjeje, ministrja u zhyt fillimisht pranë Pont des Invalides e më pas pranë Pont Alexandre III, sipas pamjeve nga televizioni BFMTV.

Me sa duket, ish-kampionja franceze e tenisit u ndje shumë komode kur u zhyt në ujë. Megjithatë, ajo rrëshqiti kur u fut në lumë, e shoqëruar edhe nga Alexis Hanquinquant, pjesë e stafi të ekipit francez paraolimpik.