Ish-sulmuesi i Barcelona-s, Sergio Aguero ka pohuar se sulmuesi i Real Madridit, Vinicius Junior duhet të fitojë çmimin e Topit të Artë këtë vit, duke pretenduar se ai ka qenë më i mirë se Kylian Mbappe.

Vinicius, 24 vjeç, aktualisht konsiderohet të jetë një nga favoritët për të fituar çmimin prestigjioz individual pas një sezoni të shkëlqyer 2023-24.

Ai ndihmoi Los Blancos të fitonin tre çmime, përkatësisht titullin e La Ligës, trofeun e UEFA Champions League dhe Superkupën e Spanjës.

Aguero ka thënë:

“Topi i Artë? Vini Jr. nuk u zhduk në Copa America. Vetëm se Brazili po kalon një periudhë të vështirë dhe ai ka nevojë për një ekip të mirë. Duke parë të gjithë sezonin, Viní pati një ecuri të jashtëzakonshme; këtë sezon, ai ishte më i mirë se Mbappe”.

Duke krahasuar sezonin 2023-24 të sulmuesit me paraqitjet e yllit të Real Madridit, Jude Bellingham sezonin e kaluar, argjentinasi tha:

“Sa herë që Vini merrte topin në mes të fushës, mund të ndjeje rrezikun. Këtë sezon, Vini dhe Bellingham ishin çelësi për Real Madridin.

“Unë e dua Bellinghamin dhe do të preferoja që ai të merrte Topin e Artë, por duhet të pranoj se Vini ishte i jashtëzakonshëm këtë sezon”.