Stuhi polemikash pas finales së Kupës së Botës. Nëse ndeshja mes Spanjës dhe Argjentinës nuk dhuroi shumë emocione, gjithçka shpërtheu pas vërshëllimës së fundit. Gjatë ceremonisë së ngritjes së trofeut nga Spanja, Lionel Messi dhe bashkëlojtarët e tij kthyen shpinën dhe u drejtuan nga tifozët argjentinas, një veprim që shkaktoi reagime të forta në Spanjë.

E përditshmja “Marca” e cilësoi këtë si “një gjest të turpshëm që ka bërë botën të skuqet nga turpi”, duke shkruar: “Të gjithë lojtarët e Argjentinës i kthyen shpinën Spanjës ndërsa ngrinte trofeun e fituar me meritë. Është një nga veprimet më të neveritshme të para ndonjëherë në historinë e Kupës së Botës”.

Edhe “AS” kritikoi sjelljen e Argjentinës: “E gjithë skuadra harroi një nga rregullat e arta për nënkampionët; të jenë të pranishëm në kurorëzimin e fituesit. Në vend të kësaj, lojtarët e Argjentinës zgjodhën të përshëndesnin tifozët e tyre. Ky veprim nuk u prit mirë nga tifozët spanjollë dhe as nga shumë dashamirës neutralë të futbollit”.

Polemikat vazhduan edhe për lojën, ndërhyrjet e ashpra dhe përleshjen në fund, ndërsa lojtarët argjentinas u larguan nga stadiumi në heshtje, pa dhënë asnjë koment.