Tashmë nuk është më sekret që PSG synon transferimin e Ferran Torres gjatë kësaj vere. Spanjolli shihet nga parizienët si zëvendësuesi ideal i Gonçalo Ramos, i larguar tashmë te Milan.

Përveç pagës dhe detajeve të tjera ekonomike, PSG i ka komunikuar tashmë sulmuesit edhe planin që ka në mendje për rolin e tij, bën të ditur Sport.

“Me largimin e Gonçalo Ramos, PSG po kërkon një lojtar të aftë për të marrë rolin e një zëvendësuesi me ndikim, duke luajtur mesatarisht midis 15 dhe 25 minutave në ditët e mëdha, duke ardhur nga stoli për të ndryshuar ndeshjet, por edhe me minuta të mjaftueshme në ndeshjet e tejra si dhe për të qenë i rëndësishëm për rotacionin e Luis Enrique”, shpjegon Sport, në shkrimin e saj.

Sipas raportimit në fjalë, Torres ka dhënë “ok” e tij për këtë lëvizje drejt Parisit, ndërsa tani ka mbetur të arrihet marrëveshja mes dy klubeve. Vazhdimisht këto kohë është përmendur shifra 50 milionë euro.