Mbrojtësi anglez Ben White e ka përshkruar shokun e ri të skuadrës së Arsenal, Viktor Gyokeres, si një “përbindësh”. Sulmuesi suedez ka disa javë që ka filluar karrierën e tij te Arsenal, pas transferimit të tij prej 63.5 milionë eurosh nga Sporting, duke shënuar dy gola deri më tani.

White ishte gjithashtu shok skuadre i Gyokeres në ekipin e të rinjve të Brighton dhe është i bindur se ai do të ketë sukses me “topcinjtë”. “Ai është një përbindësh! Ai jeton për gola, apo jo? Ai është një kërcënim i vazhdueshëm për kundërshtarët,” tha Ben White.

Më tej, ai shtoi: “Nuk do të duash t’i pengosh kur luan kundër tij, sepse ai do të të largojë nga rruga gjithsesi! Mendoj se do të jetë një ndihmë e madhe që ai ka luajtur tashmë në futbollin anglez. Ai luajti te Coventry dhe unë luajta shumë ndeshje me të te Brighton. Pra, ai e ka parë, e di se si do të jetë dhe çfarë të presë nga mbrojtësit”.

“Nuk mund të them asnjë fjalë të keqe për të, për të qenë i sinqertë. Ai është një nga lojtarët më profesionistë që kam parë ndonjëherë; është në nivelin e Martin Odegaard në këtë aspekt”, tha White.