Eros Grezda duhej të largohej nga Rangers, por nuk arriti të gjente një ekip gjatë merkatos së verës. Sulmuesi kishte disa interesime nga kampionati francez, por që u refuzuan. Trajneri Steven Gerrard tha se nuk përmbushnin synimet e klubit. 

Legjenda e futbollit anglez nuk e llogarit aspak shqiptarin, madje e ka nxjerrë jashtë ekipit. Gjakovari është detyruar të luajë me të rinjtë e Rangers në një ndeshje miqësore që këta të fundit zhvilluan kundër ekipit të Fleetwood Town U-23. Shqiptari e nisi si titullar në fitoren 0-2 të ekipit skocez. 

Grezda është jashtë planeve të Gerrard, por klubi po mundohet ta mbajë në formë dhe të angazhuar. Lojtari i kombëtares konsiderohet si një nga dështimet më të mëdha të merkatos së kaluar.