Ditën e diel në pallatin e sportit “Asllan Rusi” në Tiranë është zhvilluar kampionati i mundjes “Abedin Lame”. 14 ekipe nga Shqipëria, Kosova, Maqedonia dhe Mali i Zi, me rreth 100 sportistë, janë përballur mes tyre në disiplinën e “Stil i Lirë” dhe “Greko-Romak”.
Mundësit pjesëmarrës kanë garuar në 10 pesha të ndryshme, duke dhuruar emocione për të gjithë spektatorët e pranishëm. Garat e peshave të rënda kanë qenë emocionues, teksa nuk kanë munguar sfidat as për mundeset femra.
Pas përfundimit të kampionatit janë ndarë edhe çmimet përkatëse për fituesit, ku ekipi i Tiranës zuri vendin e parë në “Stilin e Lirë” dhe “Greko-romak”, me 63 pikë në total. Ndërsa disa prej mundësve të saj si: Serxhi Roci, Emanuel Çekrezi, Ordis Lila etj, zunë vendet e para në peshat përkatëse.
Sakaq, më herët, gjatë ceremonisë së hapjes së këtij turneu, është bërë vlerësimi i tre ish-mundësve, Mynyr Begaj, Ilir Korkaj dhe Alfred Bardeli, të cilët u vlerësuan me çertifikatën e mirënjohjes nga Federata Shqiptare e Mundjes.
Seit Prizreni, Sekret i Përgjithshëm i FSHM, ka folur pë Telesport duke treguar objektivat që synohet të arrihen këtë vit me sportistët e mundjes në arenën ndërkombëtare.
Ekipi i Kosovës u shpall fituese e këtij turneu në mundje për femra, duke grumbulluar në total 20 pikë, ndërsa Mariza Jaku e ekipit të Teutës në peshën 45 kg, zuri vendin e parë në këtë turne.
Rezultatet e kampionatit “Abedin Lame”
Stili i Lirë:
Ekipore:
Vendi i Pare – Tirana – 33 pike
Vendi i Dyte – Teuta – 23 pike
Vendi i Trete – Kosova – 9 pike
Individuale:
Pesha 57 kg – Serxho Roci (Tirana)
Pesha 61 kg – Leart Paca (Kukesi)
Pesha 65 kg – Emanuel Cekrezi (Tirana)
Pesha 70 kg – Ordis Lila (Tirana)
Pesha 74 kg – Orgist Dauti (Tirana)
Pesha 79 kg – Sure Vrioni (Teuta)
Pesha 86 kg – Marin Jaku (Teuta)
Pesha 92 kg – Hans Mara (Teuta)
Pesha 97 kg – Emiljano Nuzi (Tirana)
Pesha 125 kg – Isuf Nexhi (Tirana)
Stili Greko-Romak:
Ekipore:
Vendi i Pare – Tirana – 30 pike
Vendi i Dyte – Çika Ërestling – 20 pike
Vendi i Trete – Beslidhja – 16 pike
Individuale:
Pesha 55 kg – Ardit Zeneli (Çika Wrestling)
Pesha 60 kg – Klodian Shehu (Tirana)
Pesha 63 kg – Julian Shehu (Tirana)
Pesha 67 kg – klajdjol Ajdini (Tomorri)
Pesha 72 kg – Flogert Voci (Tirana)
Pesha 77 kg – Skualifikuar
Pesha 82 kg – Kevin Kupi (Tirana)
Pesha 87 kg – Serxho Makaj (Beslidhja)
Pesha 97 kg – Zef Çuni (Beslidhja)
Pesha 130 kg – Kevi Ballabani (Tirana)
Në Mundjen për Femra:
Ekipore:
Vendi i Pare – Kosova 20 Pike
Vendi i Dyte – Teuta 12 Pike
Individuale:
Pesha 45 kg Mariza Jaku (Teuta)
Pesha 50 kg – Njomza Krasniqi(Kosova)
Pesha 53 kg – Jelvira Krasniqi (Kosova)
Pesha 55 kg – Diellza Gashi ( Kosova)
Pesha 70 Kg – Alisa Dema ( Kosova)