Java e 22-të e kampionatit të Kategorisë së Parë prodhoi ndeshje emocionuese dhe shumë gola, me skuadrat e kreut që vazhdojnë garën e fortë për objektivat sezonalë. AF Luftëtari fitoi 2-1 ndaj Kastriotit, ndërsa Kukësi mundi 4-2 Korabin në një ndeshje të hapur dhe spektakolare.
Skënderbeu mori një fitore të rëndësishme 3-2 ndaj Apolonisë, duke u rikthyer te suksesi pas barazimit të javës së kaluar dhe duke ruajtur vendin e parë me 51 pikë.
Ndjekësi më i afërt, Laçi, vazhdon formën fantastike. Bardhezinjtë mposhtën 2-1 Besën dhe regjistruan fitoren e tetë radhazi, duke shkuar në kuotën e 48 pikëve dhe duke mbajtur presionin maksimal ndaj kryesuesve.
Në vendin e tretë qëndron Pogradeci që triumfoi sot2-0 ndaj Burrelit dhe ngjitet në kuotën e 43 pikëve, duke mbetur në garë për objektivat madhorë. Ndërkohë, Iliria fitoi po sot 2-1 ndaj Lushnjes, duke siguruar një fitore të rëndësishme në javën e 22-të. Renditja pas 22 javëve është si më poshtë:
