Minnesota bëhet skuadra e parë finaliste e play off-it në Konferencën e Perëndimit, pas fitores 121-110 ndaj Golden State sot, në sfidën e pestë gjysmëfinale.
Skuadra e Timberwolves fitoi 4-1 serinë ndaj Warriors, duke bërë një paraqitje të shkëlqyer, ashtu sikurse pat eliminuar edhe Lakers në fazën cerekfinale.
Të gjithë titullarët realizuan mbi 14 pikë, ku u dalluan Randle me 29 pikë e Edwards me 22 pikë. Te Golden State sërish u ndje mungesa e Stephen Curry, i dëmtuar.
Në Konferencën e Lindjes, Boston fitoi 127-102 ndaj New York dhe mban ende gjallë shpresat për të mbrojtur titullin kampion.
Nju-jurkezët tashmë udhëheqin 3-2 serinë. Në sfidën e sotme, Derrick White me 32 pikë dhe Jaylen Brown me 26 pikë u dalluan për Celtics.
Konferenca e Lindjes-Gjysmëfinale
Cleveland – Indiana, (1-4)
Boston – New York, 127-102 (2-3)
Konferenca e Perëndimit-Gjysmëfinale
Oklahoma – Denver, (3-2)
Minnesota – Golden State, 121-110 (4-1)
