Bayern Munich po nxiton në merkato, duke zyrtarizuar dy nënshkrime të reja (Ismael Saibari nga PSV për 50 miionë euro dhe Nathaniel Broën nga Eintracht për 50 milionë euro). Ndërkohë që ka zgjatur edhe kontratën e Konrad Laimer.

Megjithatë, tani është koha edhe për disa shitje të mëdha dhe pas këtyre vendimeve të shpejta fshihet një strategji specifike. Drejtori sportiv Eberl synon ta përfundojë tregun e transferimeve sa më shpejt të jetë e mundur për të shmangur që klubi të gjendet nën presion në fundin e merkatos.

Skuadra duhet të shkurtohet. Qëllimi, sipas BILD, tani është të shesë lojtarë si Sacha Boey, João Palhinha dhe Bryan Zaragoza.

Deri më tani, Bayern ka arritur të ulë faturën e pagave kryesisht duke shitur Wisdom Mike Aseko, Jonathan Asp Jensen dhe Jonah Kusi-Asare, si dhe Alexander Nübel dhe Daniel Peretz.

Por, Palhinha, i cili kthehet nga huazimi i tij në Tottenham, rrezikon të bëhet një barrë. Trajneri Vincent Kompany nuk parashikon një rol taktik për mesfushorin portugez dhe ai nuk është blerë nga Spurs.