Argjentina nuk arriti të përsërisë triumfin e Kupës së Botës 2022. Spanja ngriti trofeun në Nju Jork, ndërsa një nga lojtarët më të zhgënjyer të kombëtares bardhekaltër është pa dyshim Lautaro Martinez.
Sulmuesi i Interit, i cili ishte vendimtar pasi u aktivizua nga stoli në gjysmëfinalen kundër Anglisë, nuk luajti as edhe një minutë në finale.
Trajneri Lionel Scaloni, mes vështirësive të shkaktuara nga dëmtimet e shumta (deri në minutën e 70-të kishte shfrytëzuar të pesë zëvendësimet e lejuara në kohën e rregullt) dhe nevojës për një skuadër më mbrojtëse, pas kartonit të kuq të Enzo Fernandez, zgjodhi të aktivizonte Marcos Senesi në kohën shtesë, duke lënë në sulm vetëm Lionel Messin dhe Julián Álvarezin.
Argjentina luajti me skemën 5-3-1, ku sulmuesi i Atletico Madridit, Julián Álvarez, u përdor praktikisht si një mesfushor shtesë.
