Falë suksesit 4-2 ndaj Sparta Roterdam në ndeshjen e fundit në kampionat, ekipi i PSV Eindhoven është shpallur kampion i Holandës për herë të 25-të në historinë e tij.
Ekipi i PSV ka 9 pikë avantazh ndaj vendit të dytë, Feyenoord, ndërkohë që janë edhe dy javë për t’u luajtur në Eredivisie. Ndaj PSV është e pakapshme, duke e siguruar matematikisht titullin kampion.
Një sukses i merituar i PSV, nisur nga avantazhi i grumbulluar në një kampionat ku dominoi gjatë gjithë kohës (28 fitore, 3 barazime, 1 humbje). Sezonin tjetër do të luajë në Champions League.
Ekipi i Feyenoord, i shkëputur 15 pikë nga vendi i tretë, do të luajë në eliminatoret e Champions League sezonin tjetër. Vijon gara për një vend në Europa dhe Conference League.
𝐋𝐀𝐍𝐃𝐒𝐊𝐀𝐌𝐏𝐈𝐎𝐄𝐍 𝟐𝟎𝟐𝟑-𝟐𝟎𝟐𝟒 ❤️🤍#PSV25 pic.twitter.com/Gpaoe1TP67
— PSV (@PSV) May 5, 2024