Në prag të përballjes në çerekfinale mes Spanjës dhe Belgjikës, Hein Vanhaezebrouck, ish-trajneri i Anderlecht, tashmë në rolin e analistit, ka zbuluar pikat e dobët të “La Rojës”.
“Mbrojtja e tyre nuk është e padepërtueshme, por në përgjithësi, Spanja mbrohet shumë mirë. Megjithatë, nuk i shoh ata si kampionë bote. Olmo, Ferran Torres: në sulm, ata nuk kanë talentin e klasit botëror të së kaluarës. Madje edhe Oyarzabal, është një sulmues i mirë teknikisht, por jo një qendërsulmues. Një ekip që pretendon të shpallet kampion bote, duhet të ketë me patjetër një qendërsulmues.
Lamine Yamal nuk është në formën e tij më të mirë në këtë turne, por është ende i vështirë për t’u ndaluar. Ai është një yll i mbrojtur nga arbitrat, njësoj si Lionel Messi, ndaj De Cuyper duhet të ketë shumë kujdes në ndërhyrjet ndaj tij”, tha Vanhaezebrouck.
