Trajneri i Juventus, Igor Tudor, i ka dërguar një mesazh të qartë drejtuesve në lidhje me merkaton e verës.

“Me tre nënshkrime të reja, skuadra është konkurruese. Plus, do të kemi edhe rikthimin e një lojtari të rëndësishëm si Bremer”, tha Tudor para ndeshjes që bardhezinjtë do të luajnë në Botërorin për klube.

“Klubi e di se çfarë dua dhe do të bëjë më të mirën. Jam i sigurt se do të jemi më të fortë se vitin e kaluar“, shtoi më tej Tudor, pa përmendur emra lojtarësh apo pozicione lojtarësh ku ai kërkon përforcime.

Juventus do të debutojë në Kupën e Botës për klube kundër Al Ain.