Edhe një herë tjetër, Drake nuk ia del mbanë të jetë i suksesshëm si bastexhi. Reperi kanadez dhe entuziast i basteve kishte vendosur bast një milion dollarë për New England Patriots, për të fituar Super Bowl 2026.
Shanset ishin 2.95, dhe ai do të kishte arkëtuar 2,950,000 dollarë nëse ata do të fitonin. Por në fund ishte skuadra e Seattle Seahawks ajo që fitoi 29’13 dhe mori titullin e dytë kampion në historinë e saj në NFL.
Drake shpesh ka vënë bast për ngjarje sportive dhe ka humbur. Jannik Sinner ka qenë gjithashtu një nga “viktimat” e tij. Në shtator të vitit 2025, ai vuri bast 300,000 dollarë që italiani të fitonte finalen e US Open kundër Carlos Alcaraz, por humbi.
Gjithsesi, kjo nuk është hera e parë që Drake ka vënë bast për Super Bowl: në vitin 2022, ai vuri bast për Rams që do të mposhtnin Bengals, duke vënë bast 500,000 € dhe duke fituar rreth 800 mijë euro.
