Mesfushori Donjet Shkodra vazhdon të bëjë mirë me ekipin e Shakhtar Karagandyt. Ish-lojtari i Kukësit ka arritur të gjejë sërish golin në ndeshjen që po luhet në këto momente.
Ekipi i tij kryeson 3-0 kundër Kaisar Kyzylorda, ndërsa shqiptari realizoi golin e parë. Ai përshëndeti rrjetën në minutën e 52′. Shkodra gjuajti me të djathtën nga distanca, ndërsa topi i përplasur në shpinën e një prej kundërshtarëve përfundoi në rrjetë për 1-0. Nga minuta e parë në fushë ishte dhe sulmuesi Reginaldo. Të dy janë titullar te skuadra kazake.