Legjenda e Argjentinës, Juan Sebastian Veron, dyshon se Leo Messi do të jetë në gjendje të luajë çdo ndeshje të Kupës së Botës dhe shpreson që yjet e tjerë të kampionëve në fuqi do ta ndihmojnë “Pleshtin” të arrijë potencialin e tij të plotë.
Gjithashtu, Veron kërkon nga tifozët argjentinas mos ta vënë nën presion Messi-n, pasi nuk është në të njëjtën gjendje fizike të 4 viteve më parë.
“Duhet të jemi të kujdesshëm me Messin dhe pjesëmarrjen e tij në këtë Botëror. Nëse mendojmë se ai mund të luajë çdo ndeshje e kështu me radhë, nuk e di…
Mendoj se duhet ta ndihmojmë, dhe ai gjithashtu duhet ta lejojë veten të ndihmohet. Edhe kjo pjesë është e vështirë…”, tha Veron.
Ndër të tjera, Veron zgjodhi 3 lojtarët e Argjentinës, të cilët duhet të mbajnë peshën kryesore në këtë edicion dhe të jenë në krah të Messi-t: Julian Alvarez, Enzo Fernandez dhe Lautaro Martinez.
