Debutimi historik i Lionel Messit në Botërorin 2026, autor i tre golave kundër Algjerisë, u shoqërua me polemika në rrjet për një ndërhyrje të tij ndaj mbrojtësit algjerian Aissa Mandi. Episodi ndodhi pak pas gjysmë ore loje, kur Messi tashmë kishte shënuar golin e parë dhe në presing goditi nga pas kundërshtarin në pulpë.
Sipas kritikëve në rrjetet sociale “Messi u fal”, “Messi duhej të përjashtohej”, “ishte për turp”, “e kanë favorizuar”, “ndeshja do të ishte krejt tjetër”. Pamjet u shpërndanë në X, Instagram dhe TikTok.
Arbitri dhe VAR-i nuk dhanë as karton të verdhë, ndërsa Mandi u ngrit dhe vazhdoi lojën. Veprimi u cilësua si i fortë, por jo i qëllimshëm apo i keq. Megjithatë, “gjykata e rrjeteve sociale” vendosi se Messi nuk duhej ta përfundonte ndeshjen, duke nënkuptuar kartonin e kuq.
Në fushë, Messi vazhdoi dhe shënoi edhe dy gola të tjerë, duke u ngjitur në krye të golashënuesve të historisë së Botërorit, së bashku me Miroslav Klose.
