Piloti italian Kimi Antonelli fitoi të dielën pasdite garën e Cmimit të Madh të Belgjikës në Formula 1, gara e dhjetë sezonale. Një suskes i merituar i pilotit të Mercedes, që tashmë shkëputet 45 pikë nga vendi i dytë në renditjen e përgjithshme.

Në një garë ku kryesuan 4 pilotë të ndryshëm, 19-vjecari italian arriti të marrë kreun 10 xhiro nga fundi, duke e mbrojtur atë nga sulmet e Charles Leclerc me Ferrari. Monegasku e mbylli garën në vendin e dytë, duke mos arritur dot më shumë.

Në podium u ngjit edhe Max Verstappen me Red Bull, në një garë të mirë për holandezin, që la pas Lewis Hamilton me Ferrari (i katërti). Britaniku mund të kishte kapur edhe podiumin nëse nuk do të kishte marrë atë penalitet prej 5 sekondash në fillimin e garës.

Humbësi më i madh i kësaj gare është George Russell (Mercedes), që pati një kontakt me Hamilton në start dhe u tërhoq. Tashmë Russell është shkëputur 45 pikë nga Hamilton, që ngjitet i dyti në renditje. Për italianin ky është suksesi i gjashtë sezonal.

Në vendin e pestë u rendit Oscar Piastri me McLaren, që la pas Isack Hadjar me Red Bull dhe kampionin e botës në fuqi, Lando Norris me makinën tjetër McLaren (vendi 7). në zonën e pikëve edhe Gabriel Bortoleto,  Arvid Lindblad e Franco Colapinto.