Ka startuar në Nju Jork grand slam i US Open, turneu i fundit i madh i këtij viti.
Për meshkuj, serbi Novak Djokovic, fitoi 3-0 (6-2, 6-2, 6-4) ndaj Radu Albot dhe avancon më tej. Vuan disi por në fund fiton gjermani Alexander Zverev, që mundi 3-1 Maximilian Marterer.
Në raundin e dytë kualifikohen edhe italiani Matteo Berrettini, norvegjezi Casper Ruud, rusi Andrey Rublev, francezi Gael Monfils e bullgari Grigor Dimitrov. Surprizë eliminimi i danezit Holger Rune që në start.
Te femrat, fitore për ukrainasen Elina Svitolina, që mundi 2-1 Maria Carle. Një biletë për më tej sigurojnë edhe tenistja amerikane Cori Gauff, spanjollja Paula Badosa, çekja Barbora Krejcikova dhe bjelloruset Victoria Azarenka e Aryna Sabalenka.