Përballja mes Jake Paul dhe Mike Tyson pritet të thyejë një rekord boksi 61-vjeçar.

Paul do të presë Tyson në ring kur ata të takohen më 20 korrik në stadiumin AT&T në Arlington, Teksas.

Gara e peshave të rënda do të jetë një luftë e sanksionuar, profesionale nga Departamenti i Licencimit dhe Rregulloreve të Teksasit (TDLR).

Ish-kampioni botëror i peshave të rënda nuk ka pasur një ndeshje si profesionist që nga qershori i vitit 2005, kur pësoi një humbje dërrmuese ndaj Kevin McBribe të Irlandës.

Sa i përket Paulit, ai ka 10 ndeshje profesioniste, me një rekord 9-1.

Dhe në kohën kur Tyson do të përballet me Paul, ai do të jetë 58 vjeç ndërsa ‘The Problem Child’ do të jetë 27.

Kjo diferencë moshe prej 31 vjetësh do të jetë më e madhja në historinë e boksit profesionist, duke tejkaluar diferencën 24-vjeçare midis Archie Moore, 49 vjeç dhe Mike DiBiase, 25 vjeç, kur ata u përballën në vitin 1963, sipas ESPN.

‘Iron’ Mike ishte 38 vjeç kur konkurroi për herë të fundit në një ndeshje boksi si profesionist, por ai do të veshë sërish dorezat në verë.