Ata që prisnin një fitore tenistike të Anglisë në përballjen me Andorrën (sfidë e fazës së grupeve për eliminatoret e Kupës së Botës) kanë mbetur të zhgënjyer, pasi “3 luanët” fituan vetëm 1-0, me një gol nga i zakonshmi Harry Kane.

Kapiteni foli pas ndeshjes duke bërë autokritikë: “Nuk ishte paraqitja jonë më e mirë, por do të mësojmë nga kjo. Patëm momente të mira në lojë, por nuk arritëm të ishim efikasë në sulm. Marrim tre pikët dhe vazhdojmë”.

“Ne nuk rrezikuam aspak në mbrojtje dhe kjo u dha atyre pak besim dhe energji. Në 1-0, pesë apo dhjetë minuta nga fundi, duhej të ishim të kujdesshëm, sepse ishte një lojë e rëndësishme për ne dhe duhej të siguronim tre pikët”, tha Kane.

“Kemi lojtarë të jashtëzakonshëm, kemi nevojë për lojtarë që nuk kanë frikë nga ballafaqimi dhe nëse e humbasin topin. Në ndeshje të tilla kemi nevojë për cilësinë e lojtarëve ndaj skuadrave që mbrohen”, tha Harry Kane.