Emri i Sergej Levak, një mesfushor i talentuar kroat i liruar së fundmi nga Roma, spikat në merkaton e lojtarëve me kosto zero.

Lojtari i lindur në vitin 2006 është shumë i kërkuar në Serie A, nga Inter-i te Genoa, tek Atalanta dhe së fundmi Parma.

Gjysma e kampionatit italian është e etur ta nënshkruajë atë, por ditët e fundit, Bayern Munich është futur në garë.

Klubi gjerman është serioz dhe ka paraqitur një ofertë të rëndësishme për të bindur Levak, të quajtur “Rodri i ri” nga burime të brendshme, të transferohet në Gjermani.

Një përgjigje prej tij, dhe në përgjithësi një vendim për të ardhmen e tij, pritet në ditët në vijim.

Borussia Dortmund dhe klube të tjera të huaja janë gjithashtu të interesuara për të, por Bayern Munich po bën presion.