“Kënaquni djema, këto janë kohë të mira. Janë ndeshjet e Kampionatit Europian, argëtohuni. Nuk kemi frikë nga asgjë, le të luajmë. Nëse luajmë, gjithçka do të kalojë“. Kylian Mbappé i shprehu këto fjalë pak minuta pas debutimit të tij në Europian kundër Austrisë dy ditë më parë.

Një ndeshje që pa Francën të mbizotërojë 1-0 falë autogolit të Maximilian Wöber, por që do të mbahet mend mbi të gjitha për karizmën e sulmuesit të ardhshëm të Real Madrid. Mbappe ishte i detyruar të largohej nga fusha për shkak të thyerjes së septumit të hundës.

Para se dëmtimi ta pengonte të vazhdonte ndeshjen, ish-lojtari i Monakos dhe Paris Saint Germain karikoi shokët e tij si një kapiten i vërtetë, duke prezantuar përvojën e një veterani.

“Mos harroni, pesëmbëdhjetë minutat e para janë të rëndësishme për ta. Çfarëdo që të ndodhë, arbitri, fusha, tifozët. Ne i kemi lojtarët për të luajtur në presing, veçanërisht në çerekun e parë të një ore”, shpjegoi Mbappé.

Video e diskutimit të sulmuesit është shpërndarë sot në rrjetet sociale nga Federata Transalpine e Futbollit.