Shtohen gjithmonë e më shumë zërat për një transferim të Harry Kane te Barcelona në fund të këtij sezoni. Sulmuesi gjerman ka një klauzolë që e lejon atë të largohet nga Bayern për shifrën 65 milionë euro.

Katalanasit janë gati të bëjnë një sakrificë dhe të paguajnë direkt shifrën 65 milionë euro, pa hyrë në negociata të gjata me Bayern. Por, pengesa më e madhe lidhet me rrogën e sulmuesit anglez.

Kane paguhet 25 milionë euro në vit, shifër e majme për financat aktuale të Barcelonës. Më i paguari aktualisht te Barcelona është Robert Lewandowski me 21 milionë euro në vit dhe duket e vështirë që drejtuesit katalanas të paguajnë dikë tjetër më shumë se kaq, sepse sigurisht që do të kishte pakënaqësi të madh brenda skuadrës.

Megjithatë, nuk përjashtohet mundësia që Harry Kane të pranojë një ulje rroge nëse do që të transferohet vërtet te katalanasit.