Lara Colturi është renditur në vendin e katërt pas zbritjes së parë të garës së sllallomit gjigand zhvilluar në Cortina, i vlefshëm për Lojërat Olimpike Dimërore“Milano-Cortina 2026”. Një paraqitje e shkëlqyer e skiatores kuqezi, që synon medalje në këtë Olimpiadë.

Colturi dha kohën 1’03”97, kohë të cilën e dhanë edhe dy skiatore të tjera, suedezja Sara Hector dhe norvegjezja Thea Louise Stjernesund, por që renditen respektivisht në vendin e pestë dhe të gjashtë. Vetëm e shtata legjenda Mikaela Shiffrin.

Një paraqitje e shkëlqyer e skiatores kuqezi, që bëri një zbritje të qetë dhe të shpejtë, duke mos bërë gabime. Kjo kohë i jep asaj mundësi që ta nisë zbritjen e dytë mes më të mirave. Kohën më të mirë në zbritjen e parë e dha skiatorja italiane Federica Brignone (1’03”23).

Në këtë garë janë gjithsej 76 skiatore që marrin pjesë, ndërkohë që për ngjyrat kuqezi do të garojë edhe 19-vjecarja Semire Dauti.