Tirana në basketboll për femra fitoi 68-59 ndaj Partizanit në gjysmëfinalen e dytë play off në basketboll për femra dhe tashmë udhëheq 2-0 serinë e takimeve.
Sukses që lë bardheblutë vetëm një fitore larg finalkeve play off. Ndeshja e dytë luajtur në “Asllan Rusi” u komandua dhe fitua me meritë nga Tirana, që u shkëput 37-29 që në pjesën e parë.
Më pas, në 20 minutat e dytë, skuadra e trajneres Alibegaj u mjaftua me administrimin e avantazhit, duke mos lejuar Partizanin të rikuperojë.
Daleba me 22 pikë ishte shënuesja më e mirë për Tiranën, një lidere në fushë, ndërsa për Partizanin u dallua Lalaj me 17 pikë, por që s’mjaftuan për të fituar.
Play off-Femra, gjysmëfinale
Nd.1, Flamurtari – Studenti, 81-51
Nd.1, Tirana – Partizani, 73-62
Nd.2, Flamurtari – Studenti, 72-42 (2-0)
Nd.2, Partizani – Tirana, 59-68 (0-2)
15 prill, Studenti – Flamurtari
15 prill, Tirana – Partizani
