Revista France Football citon se Chelsea dhe Bayern Munich janë dy klubet që duken më tepër të interesuar për blerjen e kapitenit të Lyon Nabil Fekir.

Chelesa është në kërkim të një sulmuesi kreativ dhe që di të shënojë gola, për të hequr sa më shumë përgjegjësi nga shpatullat e Eden Hazard.

Blutë kanë disa muaj që ndjekin nga afër lojtarin dhe janë impresionuar nga paraqitja e tij në Etihad ndaj City-t në Champions League.

Por edhe Bayern Munich po e ndjek me vëmendje sezonin e Fekir, pa harruar se bavarezët kanë një marrëdhënie shumë të mirë me OL, pasi kanë blerë Corentin Tolisso vitin e kaluar.

Për Fekir duhet një shumë rreth 60 mln euro. Klubet priten ta provojnë për të që në janar, por nëse nuk arrihet marrëveshja, ata do të trokasin në derën e francezëve në fund të sezonit.

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.