Partizani ka marrë dhe një goditje tjetër para ndeshjes derbi kundër Tiranës. Trajneri Adolfo Sormani së bashku me ndihmësit e tij nuk do të ulen në pankinën e “Air Albania”.

Italiani ka frikë nga situata e krijuar me COVID-19. Katër futbollistë të “Demave”, Boldor, Çinari, Mala dhe Kote janë me koronavirus dhe italianët nuk kanë dashur të rrezikojnë.

Derbin e fundit të këtij sezoni e drejton Renaldo Kalari. Ky i fundit duhet të menaxhojë një sfidë mjaft të vështirë dhe me shumë përgjegjësi.