Kampionati shqiptar i futbollit ka nisur këtë të premte me javën e tetë. Në orën 14:00 në Rrogozhinë, Egnatia fitoi 3-0 kundër Dinamos.
Ndeshja u zhbllokua pas vetëm 26 minutash lojë, me Paulauskas që kaloi në epërsi vendasit.
Për t’i vendosur “vulën” tri pikëve mendoi Zejnullai. Mesfushori realizoi golin e dytë me një goditje dënimi të shkëlqyer.
Edhe pjesa e dytë foli për djemtë e Tetovës, që kontrolluan lojën.
Për t’ia bërë më të lehtë fitoren Egnatias mendoi Blendrit Krasniqi, që la Dinamon me dhjetë lojtarë në minutën e 72 pas dy kartonëve të verdhë.
Në minutën e 88-të, Ahmetaj realizoi golin e tretë për rrogazhinasit. Pas dy rezultateve pozitive, Blutë e Di Biagio humbasin për herë të pestë këtë sezon.
Nga ana tjetër, Egnatia merr fitoren e pestë, duke u ngjitur në kuotën e 16 pikëve në krye të renditjes.
Superliga vijon nesër në 14:00 me duelin Vllaznia – Tirana në “Kukës Arena” dhe të diel me tre ndeshjet e radhës.
