Refuzoi Milanin përpara një muaji pikërisht sepse te Lazio ka ende punë për të bërë, në përpjekje për të fuqizuar skuadrën bardhekaltër. Po flasim për drejtorin sportiv Igli Tare, krahu i djathtë i presidentit Claudio Lotito.

Drejtuesi shqiptar, i cili po perfeksionohet akoma edhe më shumë nga fillimet e tij, tashmë ka edhe "nofkën" e një scout të përgatitur, që di të zgjedhë elementët. Ashtu si goditja e fundit që vjen nga Danimarka e largët dhe FC Copenhagen.

Quhet Denis Vavro, sllovak i datëlindjes 1996 që peshon 88 kg dhe është i gjatë 193 centimetra. Një kolos i vërtetë, i cili në sezonet e fundit në Danimarkë ka befasuar të gjithë, duke u bërë i pakalueshëm. i rritur në Akademinë e Zilinës, Vavro i ngjan shumë Milan Skriniar, duke qenë se të dy kanë luajtur të klubi sllovak.

Copenhagen e bleu dy vite më parë për 1,2 mln euro nga Zilina. Atalanta e mban mend mirë Vavo duke qenë se pikërisht nga një penallti e tij u eliminua nga playoff i Europa League, ndërsa shpejtësia dhe sidomos nuhatja për gol janë pjesë e bagazhit të tij.

Edhe Roma kishte hedhur vështrimin nga Vavo, ashtu si Sampdoria dhe Atalanta por zgjedhja e Lazios u bë nga sllovaku.

Pasi ka kryer vizitat mjekësore me Lazion, Vavro ka firmosur edhe kontratën e tij, duke pozuar. Kosto e operacionit: 10,5 mln euro fikse dhe 1 mln euro bonuse. Kurioziteti? Në të shkuarën për një sllovak, vetëm tre herë është paguar një shifër më e lartë: Skriniar (23 mln), Gresko (21,5 mln) dhe Hamsik (20 mln).

Vavro firmos për pesë vitet me rrogë 1,2 mln euro fikse dhe bonuse, që e çojnë thuajse 1,5 mln euro.