Rekord historik për Jutta Leerdam. Kostumi i saj olimpik i “Milano-Cortina” 2026 u shit në ankand për 195.000 euro, duke kaluar edhe Cristiano Ronaldon. Pra, një tjetër rekord i saj, këtë herë larg pistës së akullit.
Kostumi i veshur nga kampionia holandeze gjatë fitimit të medaljes së artë në 1.000 metra u shit në ankand në platformën “MatchWornShirt” për shifrën rekord prej 195.000 eurosh. Rezultat i jashtëzakonshëm që theu rekordin e mëparshëm të platformës, të mbajtur nga një fanellë e Ronaldos e vitit 2025, e shitur për pak më pak se 63.000 euro.
Të ardhurat nga kjo relike do t’iu dhurohen iniciativave të lidhura me patinazhin, duke u kthyer simbolikisht te rrënjët e klubit ku karriera e Jutta hodhi hapat e parë.
