Nëpër botë kanë mbetur shumë pak skuadra që nuk janë rrëzuar asnjëherë në kategoritë inferiore. Një prej tyre ishte edhe Cruzeiro në Brazil…deri të dielën e 8 dhjetorit 2019.
Klubi legjendar nga Belo Horizonte ka treguar një formë të dobët gjatë këtij sezoni.
Gjigantët brazilianë kishin mbërritur në javën e fundit të kampionatit me litarin në fyt dhe duhej fitorja me Palmeiras, por ata janë mposhtur 2-0.
Mrekullia nuk ishte e shkruar të ndodhte dhe Cruzeiro tani do të zbresë për të parën herë në Serie B braziliane.
Pas ndeshjes ka shpërthyer kaosi në stadium, me tifozët që nuk e kanë pranuar këtë fakt të rëndë.