Marc Marquez i është nënshtruar me sukses një operacioni në shpatullën e djathtë në spitalin ndërkombëtar Ruber në Madrid. Pas aksidentit të pafat me Marco Bezzecchi në garën e Indonezisë, ekipi i tij mjekësor zgjodhi trajtim konservativ dhe Ducati njoftoi se do të tërhiqej nga garat në Australi dhe Malajzi.

Megjithatë, imobilizimi nuk po tregonte shenja të mjaftueshme stabilizimi, kështu që Marquez iu nënshtrua një operacioni për të trajtuar dëmtimin. Koha e rikuperimit nuk është njoftuar, por në mënyrë të pashmangshme do të zgjatet.

Kampionati Botëror, i cili përfundon në Valencia më 16 nëntor, ka vetëm katër raunde të mbetura dhe me titullin tashmë të siguruar për Ducati rikthimi duket i pamundur. Marc Marquez u shpall kampion bote në MotoGP këtë sezon dy javë më parë, në garën e Suzuka.

Ducati ka njoftuar se në dy gbarat e radhës vendin e Marquez do ta zërë Michele Pirro, që me shumë gjasa do të garojë për motorin italian deri në fund të sezonit. Ducati, por edhe vetë piloti, nuk do të rrezikojnë ta rikthejnë para kohe spanjollin në pistë, ndaj mund të rikthehet sezonin tjetër.